Nag-abot na sa Manila si South Korean President Yoon Suk Yeol para sa duha ka adlaw nga state visit para nga mas mapasangkad a ang economic and security relations sini sa Pilipinas.
Nakatalana man nga magpakigkita si Yoon kay President Ferdinand Marcos, Jr. sa Malacañang subong nga adlaw, Oktubre 7, agud nga madiskusyunan ang bilateral ties kag magatambong man ini sa isa ka business forum.
Ini nga state visit sa Pilipinas amo ang labing-una nga ginhimo sang isa ka presidente sang South Korea sa sulod sang 13 ka tuig kag una man sini nga bisitahan sa tatlo ka Southeast Asian countries nga iya kadtuan.
Ini nga pagbisita ang nagdungan man sa 75th year sang diplomatic sa tunga sang Pilipinas kag South Korea nga naka-establisar sang formal ties sang Marso 3, 1949.
Kahapon, sang nag-abot na sa Ninoy Aquino International Airport, gilayon nga nag-diretso sanday Yoon kag First Lady Kim Keon Hee sa Libingan ng mga Bayani agud maghatag sang respeto sa 112 Filipino soldiers nga nag-away apang napatay sa Korean War.
Kun matandaan, sang may state visit si former president Lee Myung-bak sa Pilipinas sang 2011, nagkadto man ini sa Korean Memorial Pylon nga amo ang monumento nga gin-dedikar sa 112 ka mga soldado nga Pilipino.
