Ginalantaw nga magasaka na naman ang presyo sang produktong-petrolyo sa masunod nga semana.
Base sa nauna nga tatlo ka adlaw sang trading sa world market, yari ang pagtaas:
Diesel – P2.37/L
Gasoline – P2.21/L
Kerosene – P2.48/L
Posible pa nga maghagan-hagan ang international prices sa ulihi nga trading days, apang ang pat-od amo nga may price hike nga ipatuman epektibo sa Martes. Sa Lunes regular nga gina-anunsyo ang final price adjustment.
Pananglitan ipatuman na, ini na ang ikaapat nga sunod-sunod nga semana nga may saka-presyo sa diesel kag kerosene, samtang ikatatlo nga sunod-sunod nga semana naman para sa gasoline.
Una na nga ginpaathag sang Department of Energy nga resulta na ini sang nagalala nga krisis sa Middle East.
