Magasulod ang Iloilo City Government sa isa ka kasugtanan kaupod ang United States Agency for International Development (USAID) para sa programa nga kontra sa tuberculosis.
Suno kay Dr. Annabelle Tang, pinuno sang Iloilo City Health Office, ang proyekto ang wala lang nagatuyo nga mapanubo ang kaso sang balatian kundi tapnaon man ini.
Ginpahayag ni Tang nga magahatag ang USAID sang commitment grant agud mag-hire kag mag-train sang mga tawo sa pagpasanyog sang pag-detect sang mga kaso.
Sa idalom sang Tuberculosis Implementation Framework Agreement (TIFA), ang commitment grant ang ihatag sa city government sa pila ka tranches kun sa diin US$250,000 ang tuigan nga mabaton sang syudad sa sulod sang lima ka tuig.
Suno pa kay Tang, kabahin sang commitment grant ang gamiton sa pagbakal sang portable X-ray machine kag X-ray voucher.
Ini ang ipanagtag sa mga pasyente nga may mga sintomas kag sa ginasuspetsahan nga kaso sang TB.
