𝗖𝗔𝗟𝗜𝗙𝗢𝗥𝗡𝗜𝗔, 𝗨𝗦𝗔 – Arestado ang isa ka armado nga lalaki sa California nga amo ang sa likod sang ginapahayag ikatatlo na naman nga assassination attempt batok kay former United States President Donald Trump.
Ini amo si Vem Miller, 49, residente sang Las Vegas.
Suno sa Riverside Sheriff Office, naaresto si Miller antes ang rally ni Trump sa California sa intersection sang Avenue 52 kag Celebration Drive.
Gindala si Miller sa John J. Benoit Detention Center bangud sa pagdala sang armas kag high-capacity magazine.
Gin-athag naman sang mga otoridad nga wala ini sang anuman nga epekto sa mga nagtambong sa kahiwatan.
