Gina-imbestigaran na sang federal officials ang natabo nga insidente sa Oregon kag sa Washington sa Estados Unidos sang Amerika kun sa diin nasunog ang ballot boxes nga gingamit agud magkolekta sang early votes antes ang Nov. 5 election.
Halos tanan nga balota ang protektado sang fire suppressant sa sulod sang box apang may tatlo nga damaged suno sa otoridad sa Portland, Oregon; samtang ginalantaw nga ginatos naman ang naapektuhan sa Vancouver, Washington.
Suno sa Portland Police Bureau, may yara sang “incendiary device” nga ginsulod sa sidewalk ballot box sa Central City district.
Sang nag-abot ang mga otoridad 3:30 a.m. local time, napatay na sang security personnel sa area ang kalayo.
Sa pihak nga bahin, ang ikaduha naman nga ballot box nga ginsunog ang nahamtang sa estasyon sang bus sa Vancouver.
Suno sa Vancouver Police Department, may nakit-an sila nga “suspicious device” sa tupad sang box.
Matandaan nga sang nagligad nga semana, may mailbox man sa guwa sang Phoenix post office nga ginsunog kag apektado man ang mga balota.
Sa amo nga insidente, may 35-anyos nga lalaki nga ginkasuhan sang arson apang ginsugid sini sa Phoenix Police Department nga indi politically motivated ang iya ginhimo.
Ini nga fire incidents ang kasunod man sang pag-isyu sang FBI kag Department of Homeland Security sang bulletin kun sa diin may ginpaandam nga “election-related grievances” kaangay sang pagpati sa voter fraud nga makatulod sa domestic extremists nga magpamintas inadlaw ang nabilin antes ang eleksyon.
