Nagsaka pa sa 125 ang numero sang patay sa paglaslas ni Bagyo Kristine sa Pilipinas.
Suno sa National Disaster Risk Reduction and Management Council (NDRRMC), may 115 ka indibidwal ang na- report nga injured kag 28 ang na-report nga missing.
Apektado naman ang 1.79 million ka mga pamilya ukon 7.13 million ka mga indibidwal sa 10,181 barangays sa pungsod.
Masobra sa 935,000 ka tawo naman ang na- displace bangud sa bagyo.
Yara naman sa 78,286 ang na-damage nga mga balay samtang 5,491 ang nagkalaguba gid.
Na-monitor man sang council ang 756 ka mga lugar nga ginbahaan ang Ilocos Region, Cagayan Valley, Central Luzon, Calabarzon, Mimaropa, Bicol Region, Western Visayas, Eastern Visayas, Zamboanga Peninsula, Soccsksargen, Caraga, Bangsamoro Autonomous Region in Muslim Mindanao (BARMM), kag Metro Manila.
Ang halit sa agrikultura ang yara sa P2.8 billion kag P1.5 billion naman sa imprastraktura.
