Indi lang ang paghatag proteksyon sa publiko agud makalikaw sa sunog ang mayor nga papel nga ginatungdan sang Bureau of Fire Protection.
Sa interview sang Bombo Radyo kay Fire Supt. Melanie Habawel, Fire Marshal sang Bureau of Fire Protection- Iloilo City, iya ginpahayag nga nagasuporta man sila sa mga mapuslanon nga mga proyekto sa komunidad.
Suno kay Habawel, ini ang rason kun ngaa magapakigbahin man sila sa Dugong Bombo 2024 bangud luyag man nila makasugpon sa kabuhi sang iban.
Nagapati si Habawel nga ini isa ka tuman ka mapuslanon nga aktibidad agud makadugang sa suplay sang dugo para sa mga pasyente nga nagakinahanglan nga tughungan agud mabuhi.
