Ginkumpirma sang aktres nga si Max Collins nga na-finalize na ang ila divorce sang iya ex-husband nga si Pancho Magno.
Ang statement ni Max nga isa ka American citizen amo ang opisyal nga nagtapos sang panibag-o nga mga espekulasyon nga nagbalikanay sila nga duha.
Oktubre suno kay Max sang naaprubahan ang papeles nga nagapamatuod sang ila legal nga separasyon.
“We’re legally separated na. Yes, we are already [divorced],” pahayag sini.
Ginklaro sang aktres nga civil sila sang iya ex-husband kag naga-co-parent sa ila bata nga si Skye.
“We wanted to show people that you can be like us. It’s possible,” dugang niya.
Nagpakasal si Max kag Pancho sang Disyembre 2017.
2021 pa sang nahuring-huring nga nagbulagay sila apang 2023 lamang sang ila ini nga ginkumpirma.
