Naglab-ot sa walo ka tonelada nga basura ang nakolekta sa tatlo ka adlaw nga aktibidad may kaangtanan sa Calle Real Street Night Market sang Nobyembre 15 tubtob 17.
Sa interview sang Bombo Radyo kay Engr. Neil Ravena, head sang General Services Office (GSO), iya ginpahayag nga mas madamo nga basura ang ila natipon subong kun ipaanggid sa nauna nga kasubong man nga event sa syudad.
Suno kay Ravena, apisar may yara sang ginbutang nga mga waste bins sa palibot, madamo sa gihapon ang nagalinapta nga mga basura sa lugar.
Bangud sini, plano sang General Service Office (GSO) nga magpatukod sang anti-littering team nga amo ang magabantay agud matapna kag masaway ang mga pumuluyo nga nagapinagusto lang sa paghaboy sang basura sa palibot.
