𝗜𝗟𝗢𝗜𝗟𝗢 – Kabug-usan nga 18, 457 ka mga rice farmers sa Western Visayas ang makabaton sang P5,000 nga financial assistance.
Sa interview sang Bombo Radyo kay James Earl Ogatis, Regional Agriculture and Fishery Information Section chief sang Department of Agriculture – Western Visayas, iya ginpahayag nga kabug-usan nga P92.285 million ang ginpain nga pondo para sa mga beneficiaries sa 40 ka mga banwa sa Iloilo.
Nag-umpisa ang pagpanagtag sang financial assistance sang Disyembre 3 kag magalawig tubtob sa Disyembre 19.
Ini ang santo sa Republic Act 11203 ukon Rice Tariffication Law, ang Rice Competitiveness Enhancement Fund – Rice Farmer Financial Assistance sa diin nagakadapat nga makabaton ang mga rice farmers nga nalista sa Registry System for Basic Sectors in Agriculture (RSBSA).
Sa idalom sang programa, ang mga rice farmers nga aktibo nga naga-cultivate sang .50 hectares tubtob sa 2 hectares sang humayan kag rehistrado sa RSBSA ang makabaton sang financial assistance.
Magluwas diri, makabaton man ang 390 ka mga rice farmers sang P3,000 nga fuel subsidy.
Ini ang may kabug-usan tanan nga katinidad nga P1,170,000.
