Ginpanginwala sang opisina ni Speaker Martin Romualdez ang mga nagalapta nga huring-huring nga na-stroke ang house speaker kag gindala sa ospital.
Pahayag sang opisina, maayo ang kondisyon sang lawas ni Romualdez.
Gintawag man ang mga nagalapta nga impormasyon nga sala kag ginhungod agud nga patalangon ang publiko.
Gindugang pa ni Head Executive Assistant of the Speaker’s Office Lemuel Erwin Romero nga sang Disyembre 6, madamo pa sang natambungan nga aktibidad si Romualdez kaangay sang seremonya sa Malacañang kun sa diin may duha ka layi nga napirmahan ang presidente.
“Speaker Romualdez is in excellent health and continues to perform his duties with dedication and focus… These allegations are completely untrue and are clearly designed to mislead the public and sow confusion,” suno kay Romero.
Nagpanawagan man ang opisina sa publiko nga magsalig lamang sa verified kag official sources sang impormasyon kag indi na pagsapakon ang kaangay sini nga disinformation.
“Speaker Martin Romualdez remains in good health and continues to fulfill his duties as a committed public servant with vigor and dedication,” pag-segunda naman ni Congresswoman Gerville Luistro sa statement sang opisina.
“These baseless speculations not only distract from the meaningful work being accomplished in the House of Representatives but also undermine the integrity of our public discourse.”#
