Ginmultahan sang NBA ang Minnesota Timberwolves All-Star guard nga si Anthony Edwards sang $25,000 ukon P1.4 million bangud sa paggamit sang bastos nga mga tinaga sa postgame media interview kasunod sang kadalag-an sang team batok sa Golden State Warriors sa score nga 107-90 sang Disyembre 6.
Ini matapos ginpamangkot si Edwards tuhoy sa depensa sang team kun sa diin gindayaw sini ang iya mga kaupdanan nga sanday Jaden McDaniels, Rudy Gobert, Naz Reid kag Julius Randle apang may mga bastos ng tinaga ini nga ginpangmitlang.
Apisar indi hungod, wala ini ginpalampas sang liga ilabi na nga ginadumilian ini sa tion sang interviews.
Ini na ang ikaduha nga tion subong nga bulan nga ginmultahan si Edwards bangud sa pag-flip niya sang iya middle finger sa mga referees sa hampang sang Minnesota batok sa Sacramento Kings sang Nobyembre 15.
Ginmultahan ini sang $35,000 ukon kapin P2 million bangud sa ginhimo niya nga gesture sang gintawagan siya sang violation nga wala niya ginkumpormehan.
