Magalunsar ang Kamara sang imbestigasyon kun paano gina-manage sang Philippine Health Insurance Corporation (PhilHealth) ang ila nga pondo.
Suno kay House Speaker Martin Romualdez, umpisahan sang lower chamber ang “thorough and impartial investigation” sa masunod nga tuig.
“This investigation is not about blame. It’s about funding solutions. Our goal is clear: to ensure that every peso in PhilHealth’s coffers works for the benefit of the members,” suno sa speaker.
Ang pahayag sang speaker sa plenary session ang kasunod sang desisyon sang bicameral conference committee nga kakasan sang government subsidy ang PhilHeallth sa 2025 bangud ginpahayag nga bastante pa man ang ila nga pondo.
Kun mapamatud-an sa House investigation nga “underutilized” ang pondo ukon sobra-sobra sa kinahanglan sa operasyon, iga-rekomendar suno kay Romualdez ang one year suspension sang premium payments sa tanan nga miyembro nga nagabayad sini nga health benefits.
“If funds remain stable and in surplus, we will recommend a one year suspension of premium payments for all paying members,” kabahin sang iya speech nga ginpalakpakan sang mga kongresista.#
