Na-monitor sang mga state volcanologists ang 22 ka mga volcanic quakes sa Kanlaon Volcano sa sulod sang 24 oras, halos duha ka semana matapos nga may explosive eruption nga nag-displace sang linibo ka residente sa Isla sang Negros.
Sa pinakaulihi nga bulletin nga ginpagwa, ginreport sang Philippine Institute of Volcanology and Seismology (PHIVOLCS) ang 22 ka linog sang bulkan humalin alas 12 sang aga sang Biernes tubtob alas 12 subong nga Sabado.
Ang aktibidad ni Kanlaon padayon nga nagapakita sang “intensified unrest” sa idalum sang Alert Level 3.
Santo sa data, ang mga linog nga na-record ang naganubo sing nga may 24 nga naobserbahan sang Miyerkoles, 23 sang Huwebes, kag 22 sang Biernes.
Ang sulfur dioxide emissions nagnubo sa 4,208 ka tonelada sang Biernes kon ipaanggid sa 6,438 ka tonelada nga na-log sang nagligad nga adlaw.
Naglab-ot sa 30 ka mga syudad kag banwa ang apektado sang ashfall gikan sa paglupok sang Kanlaon suno sa Department of Environment and Natural Resources (DENR).
Ginrekomendar na sang PHIVOLCS ang pag-evacuate sang mga residente gikan sa anum ka kilometro nga radius gikan sa putukputukan sang bulkan.
Nagapabilin man nga ginadumilian ang pagpalupad sang anuman nga eroplano nga malapit sa bulkan.
Samtang, ginpalab-ot naman sang mga opisyal sang gobyerno sa Western Visayas ang posibilidad nga palaparon ang permanent danger zone (PDZ) sa palibot sang Bulkang Kanlaon halin sa anum ka kilometro pakadto sa napulo ka kilometro.
Ang lokal nga panguluhan sang La Castellana, isa sa mga pinaka-apektuhan nga mga munisipalidad, nagpabutyag sang kahadlok nga ang ginpasangkad nga permanent danger zone makaapekto sang malain sa “exhausted” nga mga resources.
