Gin-athag sang isa ka public law expert ang kaangtanan sang third impeachment complaint batok kay Vice President Sara Duterte nga gin-file sa Catholic priests, civil society groups, kag mga abogado.
Isa naman si AAMBIS-OWA Party-list Representative Atty. Lex Colada sa mga nag-endorso sang ikatatlo nga impeachment complaint batok sa Vice President.
Sa interview sang Bombo Radyo kay Atty. Joenar Pueblo, Bombo Abogado, iya ginpahayag nga ang ika-tatlo nga impeachment ang naangot sa gihapon sa ginapahayag maanomaliya nga paggamit ni Duterte sang confidential funds sang Office of the Vice President (OVP) kag Department of Education (DepEd).
Suno kay Pueblo, gin-file ang complaint isa ka adlaw pagkatapos nga gin-adjourn sang Kongreso ang sesyon para sa Christmas break, samtang ang una nga duha ka reklamo ang yara pa sa Office of the Secretary General of the House of Representatives kag iga-refer sa committee on justice.
Nakasaad sa 70 ka pahina nga reklamo nga naga-akusar kay Duterte sang culpable violation sang Konstitusyon, betrayal of public trust, plunder or malversation, bribery, graft and corruption, kag pila ka high crimes.
