Patay ang apat ka mga tawo sa southwest Turkey sang nagbunggo ang ambulance helicopter sa isa ka building sang ospital.
Suno sa Turkish Health Ministry, naga-take off ang helicopter halin sa Mugla Training and Research Hospital agud may kuhaon kuntani nga pasyente sa kaiping nga probinsya sang Antalya.
Apang bangud sa madamol nga fog ukon poor visibility, nakaigu ang helicopter sa ikaapat nga panalgan sang building antes dalayon nga nagtibusok sa duta.
Wala sang napatay ukon nasamaran nga yara mismo sa bulding apang ginbawian sang kabuhi ang tanan nga sakay sang aircraft nga amo ang duha ka mga piloto, isa ka doktor, kag isa pa gid ka empleyado.
Padayon pa subong ang imbestigasyon kaangot sa amo nga hitabo.
Nagluntad ini nga insidente duha ka semana lamang matapos napatay man ang anum ka mga soldado sang nagbungguanay ang duha ka mga helicopter sa training exercise sang army sa southwestern Isparta province sa amo man nga pungsod.
