Ginklaro sang House Quad Committee nga indi nila pag-ipasa ang resulta sang ila nga imbestigasyon sa International Criminal Court (ICC).
Suno kay mega panel chairperson Rep. Robert Ace Barbers, indi na miyembro ang Pilipinas sa amo nga korte, gani nga kun ano man ang natukiban sang quad comm, gamiton na lamang ini para sa mga kinahanglanon diri mismo sa pungsod.
“Hindi kami magbibigay diyan sa kanila. Kahit sila ay humingi ay hindi naman kami magbibigay sa kanila because tayo’y hindi miyembro ng ICC,” pahayag sang kongresista.
“Kami ay naninindigan sa pronouncement ng ating Pangulo na kung gusto nilang mag-imbestiga, they can do it on their own. Hindi naman sila pipigilan, but they have to source their witnesses and kumuha sila ng kanilang mga documentary evidence kung saan nila kukunin,” dugang sini kaangot sa panindugan sa ginahimo sang ICC nga imbestigasyon sa drug war ni Duterte.
Suno pa sa kay Barbers, ang progress report sang quad comm kag iban pa nga kaangot nga panel documents ang ginpresentar na sa Department of Justice (DOJ), Office of the Ombudsman, National Bureau of Investigation (NBI), kag sa Philippine National Police (PNP).
Nagapati man ang mamalidha nga mabug-at ang ila report ilabi na ang mga testimonial kag documentary evidences bangud sa mga statement nga ginpangbuy-an sang nagpanumpa mismo ang resource persons.
Matandaan nga ginrekomendar sang quad comm ang pag-file sang crimes against humanity complaints batok kay former President Rodrigo Duterte kag sa iya mga kaalyado kaangay kanday Senator Bong Go kag Senator Bato dela Rosa bangud sa ginaalegar nga extrajudicial killings (EJKs) sang ginpatuman ang drug war.#
