Ginbali ni National Bureau of Investigation (NBI) Director Melvin Matibag ang mga pahayag nga nagkadto siya sa Davao City agud nga dakpon si Senator Ronald “Bato” Dela Rosa nga may standing arrest warrant halin sa International Criminal Court (ICC).
Suno kay Matibag, may operasyon sila batok sa Davao Mighty Steel Corporation nga nagahimo kag nagabaligya sang ginaalegar sub-standard nga mga salsalon nga may radioactive materials.
“Nandito kami sa Davao, ang nahuli namin hindi bato, bakal,” joke ni Matibag kadungan sang ambush interview sa iya sa amo nga syudad.
Matandaan nga sang nagligad nga semana, naggwa ang huring-huring nga nadakpan na si Dela Rosa apang lunsay ini ginpanginwalqa sang law enforcement agencies lakip na sang NBI.
Gin-akusaran naman anay sang Malacañang ang mga kaalyado ni Vice President Sara Duterte nga nagpaguwa sang amo nga espekulasyon agud nga maliso ukon masaylo ang atensyon sang publiko halin sa nagapadayon pa nga impeachment trial.
Nauna naman nga ginpahayag sang NBI nga diri pa gihapon sa Pilipinas si Dela Rosa.
