Nagboluntaryo si former President Rodrigo Duterte sa pagpungko bilang isa sa mga abogado ni Vice President Sara Duterte agud madepensahan ini sa impeachment complaints nga gin-file batok sa iya.
Tatlo na ka complaints ang gin-pasaka batok sa bise-presidente nga ang pinakaulihi ginduso sang mga Catholic priests, religious groups, kag mga abogado.
Suno sa anak nga Duterte, sa ila Christmas eve dinner, nagpabutyag sang kahangawa ang iya nga sa status sini nga mga reklamo. Nagtanyag ini sang bulig-pinansyal apang suno kay Sara, nagpamalibad siya gani nagtanyag liwat ang former president sang legal assistance.
“Sabi niya na, since hindi ko tatanggapin yung pera, mag-lawyer siya para sa akin. So sinabi niya, he will be a collaborating counsel for all cases,” suno kay Sara sa media interview sa Davao City, Disyembre 25.
“He’ll be one of the lawyers for all of the cases, and he is preparing his documents ngayon sa IBP,” dugang sini.
Nagahulat subong sanday Sara sang formal articles of impeachment halin sa House of Representatives. Ginpahayag man sini nga kumpyansa siya nga wala siya sang ginlapas nga layi.
“Pero siyempre sa makita nato karon, murag wala namay rule of law. So, pag naa na ang kaso, amo lang gihapong atubangon,” suno kay Sara.
Matandaan nga gin-cite sa una nga complaint ang 24 Articles of Impeachment nga naga-cover sang alleged violations sang 1987 Constitution, halin sang nangin mayor si Sara sang Davao City sang 2007 tubtub sang nangin vice president ini sang 2022 kag nagserbe pa bilang secretary sang Department of Education (DepEd).
Ang second complaint naman nga ginpasaka sang progressive group nga Bagong Alyansang Makabayan ang nagatuyo nga pasabton si Duterte sa alleged misuse sang confidential funds kag alleged betrayal of public trust bangud sa pagpamalibad nga magkooperar sa mga inquiries sang Kongreso.
Sa third impeachment complaint, ginplastar naman bilang grounds ang anomaliya sa paggamit sang confidential funds lakip na ang pondo sang tiglikom pa siya sang DepEd.#
