Magapadala ang Pilipinas sang 20 ka mga atleta sa 2025 Asian Winter Games nga patigayunon sa Harbin, China sa Pebrero.
Base sa Philippine Olympic Committee, anum sa 11 sports ang pasakupan sang mga tiglawas sang nasyon sa Harbin games.
Sa idalom sang Curling Winter Sports Association of the Philippines ukon Curling Pilipinas, 10 ang ipadala nga amo sanday Marc Angelo Pfister, Enrico Gabriel Pfister, Christian Patrick Haller, Alan Beat Frei, Jessica Pfister, Benjo Delarmente, Kathleen Dubberstein, Leilani Dubberstein, Sheila Mariano kag Anne Marie Bonache.
May yara man sang figure skaters halin sa Philippine Skating Union lakip sanday Paolo Borromeo, Sofia Frank, Cathryn Limketkai, kag pares nanday Isabella Gamez kag newly-naturalized Aleksandr Korovin.
Si Peter Groseclose naman ang maga-compete sa short track speed skating.
May tiglawas man halin sa Philippine Ski and Snowboarding Association nga amo si Francis Ceccarelli kag Talullah Proulx sa alpine skiing, Laetaz Amihan Rabe sa freestyle skiing, kag Adrian Tongco sa snowboarding.
Ginalantaw sang Philippine Olympic Committee nga preparasyon ini sang Pilipinas para nga makakuha sang labing-una nga medalya sa Winter Olympics.
Si Richard Lim amo ang chef de mission sang Team Philippines halin sa February 7-14 sa Harbin sa amo nga pungsod.
