Gin-clear sang Jaro Police Station 3 nga may bomba sa Central Philippine University (CPU).
Ini matapos nakabaton sang report ang kapulisan nahanungod sa bomb threat.
Sa interview sang Bombo Radyo kay Police Captain Mary Jane Panes, Chief of Police sang Jaro Police Station, iya ginpahayag nga matapos sila nakabaton sang report, nagpadulong gilayon sila sa uniberisdad agud sekyaron ang lugar kag makapatuman sang paneling.
Suno kay Panes, gilayon nga ginapaguwa ang mga estudyante agud nga mapalayo sa ano man nga kahalitan nga posible matuga sang bomb threat.
Ginpahayag man sini nga pasado ala-1 sang hapon sang na-clear ang eskwelahan.
Nahibaluan nga nabaton ang bomb threat paagi sa official page sang nasambit nga unibersidad kon sa diin, nagasaad sa mensahe ang mga tinaga nga “may malupok subong nga adlaw”.
Gin-athag man sang natungdan nga hilway sa ano man nga bomba ang Central Philiippine University.
