Gin-report sang Department of Health (DOH) nga may isa na nga napatay bangud sa stray bullet injury sang nagligad nga holiday season.
Ini amo ang 19-anyos nga lalaki halin sa Davao del Norte nga napatay bangud sa gunshot wound.
Nagaselebrar ini sang Bag-ong Tuig sa guwa sang ila nga balay sang naigu sang nagtalang nga bala.
Sa pihak nga bahin, ang kabug-usan nga kaso sang firecracker-related injuries ang nagsaka na sa 771 base sa report sang ahensya nga halin sang December 22, 2024 tubtub alas sais sang aga sang January 4, 2025.
Sa 771 total victims sang firecracker-related injuries, 58.8% ang 19-anyos panubo samtang 41.2% naman ang 20-anyos pasaka.
Ang skyrockets ukon kwitis nga legal man apang delikado nga firework amo ang nagapanguna nga rason sang firecracker-related injuries, ginasundan sang five star, kag improvised PVC cannon ukon “boga.”
