Nagpa-Bombo ang pila ka mga mangunguma sa Guimaras bangud sa ginapahayag indi patas nga pagpili sang benepisyaryo sa ayuda nga ginahatag sang Department of Agriculture (DA).
Sa interview sang Bombo Radyo kay Rally Enarsao, residente sang Brgy. Tinadtaran, Buenavista, Guimaras, iya ginpahayag nga wala gani sila makahibalo nga may mga ginalista agud nga makabaton sang ayuda nga balor P10,000.
Suno kay Enarsao, halos katunga ukon 60 sa kabug-usan nga 120 sang ila farmers association ang wala napilian agud nga makabaton sang ayuda.
Ginkwestyon man sini ang pagpanglista bangud sa kadamo sa ila, pipila lamang ang napilian.
Ginpanginwala naman sang presidente sang ila asosasyon nga siya ang may ihibalo sa nagakalatabo sa ila subong.
Ginpahayag man sini nga sang nagligad, nadala man siya sa ayuda para sa iya nga pananum nga mais.
Gintumod man sang natungdan nga ang pila sa mga nakabaton sang ayuda ang wala sang talamnan.
Bukas naman ang Bombo Radyo sa sabat sang Department of Agriculture sa amo nga reklamo.
