Patay ang isa ka lalaki matapos gintiro sa sulod sang iya balay.
Didto ini natabo sa Bato, Leyte.
Suno sa imbestigador, isa ka lalaki ang nagpanuktok sa pwertahan kag sang ginbuksan sang asawa sang biktima ang pwertahan, nagsulod gilayon ang suspek.
Una sini ginluthang ang babaye nga naigo sa ulo.
Ginsulod sini sa kwarto ang lalaki nga biktima kag didto gintiro sang pila ka beses.
Nakaluwas na ang babaye sa katalagman kag nagarekober na.
Natigayon naman nga maaresto ang suspek kag narekober ang gin-gamit nga pusil.
Suno sa reports, tuman nga kaugot ang motibo sang suspek.
Natukiban nga ginpabusong sang biktima ang utod nga babaye sang suspek apang wala niya ini ginasuportahan nga nagtulod sa suspek nga himuon ang krimen.
Pasakaan sang kaso nga murder kag frustrated murder ang suspek.
