Apat na ang na-record sang Philippine National Police (PNP) nga naaresto bangud sa paglapas sa nationwide gun ban took nga nagsugod subong nga adlaw kaangot man sa May 2025 elections.
Suno kay PNP chief Police General Rommel Marbil ang mga armas nga na-confiscate halin sa mga naaresto amo ang pistols kag long guns.
Santo sa report, sa apat ka indibibdwal, duha lang ang natigayon nga maaresto apang sa ulihi nga report, may nagdugang halin sa Bangsamoro Autonomous Region in Muslim Mindanao, Regions 12, 6, kag 3.
Ang PNP chief nag-emphasize nga ang licenses to own and possess firearms sang mga violators ang mahimo ma-revoke ukon ma-suspend.
Ginpahayag man ni Marbil nga ang PNP ang magabutang sang 1,472 checkpoints sa bug-os nga pungsod subong nga may election gun ban.
Sa mga checkpoint, ang visual inspections lang ang ginatugotan. Ginadumilian ang mga pulis sa pagbukas sang vehicle’s trunk ukon glove compartment sang salakyan, subong man ang pag-require sa mga drayber kag pasahero nga magpanaug kag usisaon.
Ang gun ban ipatuman tubtob Hunyo 11, 2025, sa idalom sang Commission on Election (Comelec) Resolution No. 11067, sa tuyo nga mabuhinan ang election-related violence.
