Ginpaandaman ni Rufa Mae Quinto ang iya social media followers batok sa scammers nga nagagamit sang iya pangalan agud magpangayo sang kuwarta.
Suno sa actress-comedienne, may screenshots na siya sang tawo nga naga-chat kag nagapakilala bilang si Rufa kag nagahingyo kun pwede makahulam sang P45,000 bilang pang-piyansa.
Gindugang sini nga indi na niya kinahanglan ang financial support halin sa kay bisan sin-o.
“Wala po akong kailangan na financial support Kahit kanino. And I’m not asking money Hinde ko po cel no. Yan at Hinde ako yan. Paki kalat nyo nga po please itong gusto mang hingi ng pera sa mga kakilala ko. Wag na kayo gumawa ng kwento at naireport ko na kayo sa lawyer ko. Friends be ware and aware! Salamat for sharing to all,” post sini.
Matandaan nga na-involve si Rufa sa investment scam bangud sa isyu sang skincare company nga Dermacare.
Napasakaan siya sang kaso nga 14 counts of violation sang Section 8 sang Securities Regulation Code, nga nagasaad nga ang securities kaangay sang shares kag investments ang indi mahimo mabaligya sa Pilipinas nga wala sang registration statement duly nga na-file kag naaprubahan sa SEC.
Nadagdagan siya sang warrant of arrest, kag sa iya mismo pagpauli diri sa Pilipinas, nagsungka siya sa NBI, kag nakaguwa matapos nagpiyansa sang P1.7-million.
Una man ini nagdepensa nga biktima man siya sa amo nga kontrobersyal nga isyu sang Dermacare nga amo man ang nangin kaso anay ni Neri Naig-Miranda.
