Gintawag ni President Ferdinand R. Marcos Jr. nga isa ka kabutigan ang alegasyon ni anay presidente Rodrigo Duterte nga may yara sang blangko nga mga items sa proposed 2025 national budget.
Suno kay Marcos, nagabinutig si Duterte bangud nahibaluan sang anay presidente nga indi mapasar ang General Appropriations Act kun mga blangko nga items.
Pahayag ni Marcos, sa bilog nga maragtas sang Pilipinas, wala ginatugutan nga may yara sang item ang GAA nga wala nakabutang kun ano ang project kag ano ang kadtuan sang pondo.
Nanidugan ang Presidente nga maid-id nga gin-review ang budget.
Gin-engganyo man ni Marcos ang publiko nga lantawon ang 2025 budget nga yara sa Department of Budget and Management (DBM) website.
