Gin-engganyo ni Department of Agriculture (DA) Secretary Francisco Tiu Laurel Jr. ang tanan nga opisyal kag staff sang ahensya nga magtinguha pa para sa mas mas mataas nga produksyon ubong nga tuig sa pihak sang pagpanghangkat nga ginapangatubang sang agriculture sector.
Suno kay Laurel, apisar nakahimo sang dako nga progreso sang 2024, kinahanglan nga malab-ot man ang mas dako nga demands para sa 2025.
Pahayag niya, paagi sa pagpataas sang food production,pag- modernize sang agricultural infrastructure, kag pag- prioritize sang kaayuhan sang mga mangunguma, mas maduso ang sustainable growth sa sektor sang agrikultura.
Partikular nga gintumod ni Laurel ang pag-focus sa pag-improve sang food security sang pungsod.
Suno pa sa iya, sa pihak sang pagtinguha sang ahensya nga ma- stabilize ang food prices kag ma- address ang disruptions, may problema gihapon sa nagataas nga input costs, climate variability, kag smuggling nga nagaupang sa handom nga food security.
Suno sa tiglikom, ini nga katuyuan ang malab-ot gid kun makahimo sang mas mataas nga rice harvest kag mas mapasanyog ang agricultural systems sa 2025.
Una na ginpahayag sang ahensya nga target sini nga malab-ot ang 20.46 million metric tons (MT) nga rice harvest sa 2025, nga mas mataas sa 19.3 million MT sang 2024.
Suno pa kay Laurel, i-improve man ang logistics para sa perishable goods kaangay sang ulutanon kag prutas paagi sa dugang nga infrastructures kaangay sang cold chain systems kag regional production hubs.
