Nagpahayag sang reaksyon ang pila sa mga kaalyado ni former President Rodrigo Duterte kasunod sang paghatag ni President Ferdinand Marcos, Jr. sang executive clemency kay anay lloilo City Mayor Jed Patrick Mabilog.
Kahapon sang aga sang ginsapubliko ang clemency nga gin-grant para sa former mayor nga nagakahulugan nga ginkakas ang administrative sanctions kasunod sang iya conviction, buot silingon, mahimo ini ma-appoint sa posisyon kag mahimo man mangin lyabe sa potensyal nga pagbalik ni Mabilog sa pagpadalagan sa masunod nga eleksyon.
Suno kay former chief presidential legal counsel Salvador Panelo, ang ginhatag ni Marcos kay Mabilog nga clemency amo ang “reward” sa pag-atake kag pagguba sang integridad kag reputasyon ni former President Duterte.
“The pardon granted Mabilog on his administrative [case], obviously, is a reward for attacking and besmirching the integrity and reputation of former Rodrigo Roa Duterte, who is a critic of the administration,” suno kay Panelo.
Matandaan nga nag-us-os gid ang political career ni Mabilog sang gin-akusahan siya ni Duterte nga ‘drug protector’ sadtong Agusto 7, 2016.
Bangud sa kahadlok para sa iya safety amo man sang iya pamilya, nagbiya si Mabilog sa Pilipinas sang 2017 kag nagbalik lamang sang Septyembre 2024 sang nagpungko na ini sa hearing sang quad committee sa Kamara.
Ang quad comm amo ang naga-imbestigar sang kontrobersyal nga war on drugs ni Duterte kag ang ginaalegar natabo nga extra-judicial killings.
Sa bahin naman ni former Philippine National Police (PNP) chief kag subong senador Bato dela Rosa nga long-time ally man ni Duterte, ginpahayag sini nga wala man siya sang problema sa executive clemency nga ginhatag kay Mabilog.
Ini bangud suno kay Dela Rosa, indi man ini drug-related kundi naangot sa iya nga administrative case.
Ginpaathag man ni Bato nga halin pa sang una, nagsiling na siya nga handa siya nga buligan si Mabilog nga limpyuhan ang iya pangalan sa atubang ni Duterte.
“Hindi man siya yung kasi niya is not drug related, it is an administrative case for disbursement of funds I think about the contract, contracts. Okay lang po sa akin. Wala po akong complaint diyan,” suno sa senador. “Dahil nakikita ko naman na nagsumikap din siya on his part na gampanan yung kanyang papel bilang mayor. But na-overwhelm lang talaga siya ng sa napakalaking problema ng droga sa siyudad niya during the time. At baka, hindi natin alam, natatakot siya sa mga drug lord, di ba?” pahayag pa sini.
“Itong executive clemency, that’s another case. It’s not drug-related, kungdi purely administrative case yan about the use of fund ata di so, wala ko problema.”
Base sa Presidential Communications Office, ang executive clemency nga ginhatag kay Mabilog ang naangot sa desisyon sang Office of the Ombudsman sang nagligad nga October 23, 2017 nga naga-dismiss kay Mabilog matapos ginplastar nga guilty ini sa serious dishonesty bangud sa wala napaathag nga ginaalegar kwestyonable nga manggad nga nagalab-ot sa P8.9 million halin sang 2012 tubtub sa 2013.
“Given former Iloilo City mayor Jed Patrick Mabilog’s longstanding commitment to good governance, coupled with awards and recognition received by Iloilo City under his leadership, the President granted Mabilog’s petition for executive clemency in connection with his administrative case, thereby removing the penalties or disabilities resulting from such case,” kabahin sang statement ni Executive Secretary Lucas Bersamin kahapon.
Sa bahin sang former mayor, ginkumpirma sini nga magakadto siya sa Malacañang agud nga personal nga pasalamatan si President Marcos.#
