Natukiban sang Philippine Coast Guard (PCG) subong nga adlaw ang paghulag sang duha ka mga sakayan sang Chinese Coast Guard (CCG) mga 34 nautical miles gikan sa baybayon sang Pangasinan.
Suno sa PCG, ang mga foreign nga sakayan pandagat malapit sa Pangasinan, ang yara sa sulod sang 200-nautical-mile exclusive economic zone sang Pilipinas, ang nakit-an paagi sa ila Dark Vessel Detection program.
Si PCG Commandant Admiral Ronnie Gil Gavan nagmando sa isa ka eroplano sang Coast Guard BN-2 Islander nga biswal nga makilala ang mga sakayan sang CCG kag magsugod sang isa ka radio challenge.
Duha ka 44-meter PCG vessels nga BRP Cabra (MRRV-4409) kag BRP Bagacay (MRRV-4410) ang ginpadala sa Bolinao, Pangasinan agud atubangon ang pagsulod sang mga Chinese vessels.
Ini agud masabat ang iligal nga presensya sang China Coast Guard kag mapabaskog ang panindugan sang gobyerno sang Pilipinas batok sa normalisasyon sang iligal nga pagpatrolya sang People’s Republic of China (PRC) sa sulod sang Philippine Exclusive Economic Zone (EEZ).
