Nagpasugot si US President Donald Trump sa 30-days nga pause sa iya mga pagpamahog nahanungod sa taripa batok sa Mexico kag Canada.
Sa interview sang Bombo Radyo kay Nowell Patrick Relatos, Bombo International Correspondent sa Canada, iya ginpahayag nga ang pause ang magaserbe nga cool-down period kasunod sang mga ‘tumultuous days’ nga nagbutang sa North Amerika sa trade war, kon sa diin, nagtuga sang pagnubo sang economic growth nga nagresulta sa pagtaas sang mga presyo.
Suno kay Relatos, ang pause sa taripa ang kaangay nga tikang sa Mexico nga nagatugot sang isa ka period of negotiations nahanungod sa over drug smuggling kag illegal immigration.
Gin-athag man sini nga ang 10% nga taripa nga ginmando ni Trump sa China ang natalana sa gihapon nga mag-epekto, apisar pa nga nagplano si Trump nga magsapol kay Chinese President Xi Jinping sa masunod nga pila ka adlaw.
Samtang, ang trade war ang ginakahadlukan sang pila ka investors, companies kag political leaders, apang wala nagakahulugan nga ang pamahog ni Trump sa taripa ang natapos na.
Nahibaluan nga sang damlag lang, si Trump nagmando sang 25% nga taripa sa mga import gikan sa Mexico kag Canada, nga may 10% nga taripa sa Canadian oil, natural gas kag electricity.
