Gin-athag ni Senate President Francis “Chiz” Escudero nga indi sila makapatigayon sang impeachment trial kay Vice President Sara Duterte sa tion nga may session break ang Kongreso, kun legalidad sang layi ang pagahambalan.
Suno kay Escudero, kinahanglan anay ga i -verify sang Senate secretariat ang mga pirma sa impeachment complaint kag i-revise ang rules.
Ang gin- revise nga rules ang sunod nga kinahanglan nga aprubahan ang Senado.
Kahapon, 215 ka mga mamalidha sa kamara ang nagpirma sa impeachment complaint batok kay Duterte nga naghatag sang ligwa para sa isa ka Senate trial nga mahimo magsipa kay Duterte sa pwesto.
Apang nag-adjourn ang Senado sa plenary session nga wala matalakay ang articles of impeachment.
Dugang sang senador, ang pinakatemprano nga tikang sang Senado sa impeachment ang matabo sa Hunyo 2 pa sa ila pag-convene liwat sa kongreso.
Suno pa sa iya, indi nila ini pagdalian kag magapabilin si Duterte bilang Vice President tubtob nga nakahimo na sang desisyon ang Senado.
