𝗜𝗟𝗢𝗜𝗟𝗢 𝗖𝗜𝗧𝗬 – Ginasaulog sa ulihi nga semana sang Pebrero ang “Leprosy Control Week.”
Sa interview sang Bombo Radyo kay Dr. Felina Joyce Dy, Associate Member sa International Society of Dermatology, iya ginpahayag nga ang katuyuan sang nasambit nga kahiwatan amo nga mapasangkad ang ihibalo sang publiko sa leprosy ukon aro.
Suno kay Dy, ang aro ang makalalaton nga balatian nga mahimo makuha pinaagi sa agsik sang laway sang isa ka tawo nga apektado sini.
Apang suno sa natungdan, indi kinahanglan nga iseparar ang mga pasyente nga may aro.
Sa tion nga makainom na ang mga ini sang bulong sa sulod sang masobra isa ka bulan, indi na ini makabig nga makalalaton.
Panugyan sang doctor, indi pag-idalok ang support system sang mga tawo nga nakapaayo sa aro bangud lang sa sala nga mga impormasyon.
