Ginpang-vandalize ang duha sa anom ka mga portalets sa Iloilo Sunset Boulevard.
Sa interview sang Bombo Radyo kay Engr. Niel Ravena, head sang General Services Office, iya ginpahayag nga spray sang pinta ang ginbutang sa duha ka portalets.
Suno kay Ravena, posible nga mga myembro sang gangs ang may kahimuan sini.
Ginpahayag sang natungdan nga bangud sa insidente, magapa-install ang syudad sang closed circuit television sa lugar kay maga-assign sang personnel ang Public Order and Safety Management Office.
Una na nga nagtanyag si Mayor Jerry Treñas sang ₱15,000 nga reward sa sin-o man nga makadakop sa akto sa mga indibidwal nga nagahimo ang bandalismo sa mga propedad sang syudad.
