Nakit-an na ang bata nga lalaki nga una na-missing matapos nagkulob ang ila ginasakyan nga pumpboat sang iya amay sa Sitio Tumanda, Barangay Cabano, San Lorenzo, Guimaras.
Ini amo si Jezther Gamilong, lima ka tuig ang edad.
Samtang, missing sa gihapon ang iya amay nga si Johnel Gamilong, 34-anyos
Base sa impormasyon, magalantaw lang kuntani sila sang lambat mga alas singko kahapon sang hapon apang ginhampak sang mabaskog nga balod ang ila pumpboat rason nga nagkulob ini.
Ginapahayag nga may duha pa sila ka iban nga kaupdanan apang una na nga na-rescue.
