Gin-anunsyo na sang Miss Universe Philippines organization ang coronation date kag venue para sa pageant subong nga tuig.
Balantayan ini sa Mayo 2, umpisa alas sais sang gab-i, sa Mall of Asia Arena sa Pasay City.
Natalana naman nga ipaguwa ang dugang nga mga impormasyon kaangay sang ticket details.
69 ang mga kandidata subong nga tuig nga magapaindis-indis sa korona.
Lakip sa pamilyar nga mga nawong kag beterana na sa pageant stage amo sanday Miss Earth-Air 2023 Yllana Marie Aduana (Siniloan, Laguna), Reina Hispanoamericana 2017 Teresita Ssen “Winwyn” Marquez (Muntinlupa City), Miss Universe Philippines 2024 Second Runner up kag Miss International 2018 First Runner up Ahtisa Manalo (Quezon, Province), Miss Globe 2022 semi-finalist Chelsea Fernandez (Sultan Kudarat), kag Reina Hispanoamericana 2019 Fifth Runner up Katrina Llegado (Taguig City).
Nagatiglawas naman sang Iloilo City si Karen Nicole Piccio, samtang dala naman ni Angeline Cordero Kailani ang pangalan sang Iloilo Province.
Subong nga edisyon, bag-o naman ang national director nga amo si Ariela Arida.
Ang masunod nga winner amo ang magabulos kay Chelsea Manalo kag amo ang magadala sang hayahay sang Pilipinas sa 74th Miss Universe pageant sa Thailand sa Nobyembre 21.
