Sa rally sang Alyansa Para Sa Bagong Pilipinas sa Tacloban, Leyte, nagpabati-bati liwat si President Ferdinand Marcos, Jr. nga indi pagpatay ang solusyon sa krimen kag iligal nga droga.
Bisan nga wala sini ginhinambit ang pangalan ni former President Rodrigo Duterte, ginsiling sini nga indi kinahanglan nga mangin maduguon ang solusyon.
Pahayag sini, sila sa Alyansa ang nagapati nga indi husto ang pagpamatay sang linibu-libo ka mga Pilipino para sa sini nga problema.
Suno sa iya, ang husto nga paagi para masiguro ang kalinungan amo ang husto nga layi kag epektibo nga suporta sa kapulisan kag sa local government.
Ginsiling man sini nga indi pagpamahog, pagpaninggit, kag pagpamuyayaw ang kinahanglanon subong sang Pilipinas.
“Ang kailangan po natin para mag-unlad ay hindi pananakot o paninigaw. Ang kailangan po natin ay solusyon, hindi mga maiinit at maanghang na salita na wala namang katuturan, wala namang kabuluhan, at walang kinalaman sa problema na hinaharap ninyong pang-araw-araw,” kabahin sang speech sang punong ehekutibo.
Dugang sini: “Sa laban naman kontra sa droga at sa krimen, hindi po nating kailangan dumaan sa madugong solusyon. Wala po sa amin ang niniwala na ang solusyon sa krimen at saka sa droga ay ang pumatay ng libo-libo na kapwa nating Pilipino. Hindi po tama ‘yun.”
Wala naman nagsipot sa rally sang Alyansa ang utod ni President Marcos nga si Senator Imee Marcos.
Nag-sorry si Imee sa mga Waray nga indi siya makatambong, kag nagpaathag nga indi niya mabaton ang ginhimo kay former President Duterte. Ginsiling sini nga tun-an niya ang amo nga hitabo para nga makabulig nga masanagan ang mga Pilipino kag makahimo sang solusyon.
“Nagpapaumanhin ako sa mga kababayan kong Waray na hindi ako makakadalo sa rally mamaya sa Tacloban,” suno kay Imee. Hindi ko matanggap ang ginawa kay [former President Rodrigo Duterte.”
Martes sang gin-aresto si Duterte sa NAIA kag gindala sa The Hague sa gahum sang arrest warrant sang International Criminal Court (ICC) bangud sa ginaalegar nga crimes against humanity nga iya nahimo sa war on drugs.#
