Naka-eksperyensya sang kakulangan sang tubig ang pila ka vendors sa Iloilo Terminal Market.
Sa interview sang Bombo Radyo kay Charlie Chan, federation president sang mga merkado sa Iloilo City, iya ginpahayag nga may mga pwesto sa merkado nga naka-apply sang koneksyon sang tubig apang ang iban, ang ginpili nga indi na lang magpabutang sang water connection.
Ginpahayag man sini nga ang mga wala nagpabutang sang koneksyon, ginpili nga magbakal na lang sang ‘tingi-tingi’ nga tubig.
Suno kay Chan, kon magkulang ang supply, nagabakal sila sang tubig sa pribado nga mga indibidwal nga malapit sa merkado agud makasapin-sapin sa ila kinahanglanon sa tubig.
Gintuad man sini nga gina-supplyan sila sang tubig apang nagakulang sa gihapon.
Nakaplastar na man sa mga vendors ang pagsulundan kon luyag nila nga mag-apply sang koneksyon sang tubig.
