Ginsirado na ni Department of Justice (DOJ) Secretary Jesus Crispin Remulla ang posibilidad nga makabalik pa sa Pilipinas si former President Rodrigo Duterte matapos gin-aresto sang International Criminal Court (ICC).
“It’s a done deal,” pahayag ni Remulla.
Suno kay Remulla, natuman na ang handom ni Duterte nga atubangon sini ang tanan nga mga akusasyon sa iya.
“Tapos na ito—nandoon na siya. At sinabi naman niya na haharapin niya ang mga kaso. Sa tingin ko, paulit-ulit niyang sinabi sa ating lahat, sa mga Pilipino, na haharapin niya ang anumang paratang laban sa kanya, kahit sa ICC. Kaya ‘yun na ‘yun. Nandoon na siya,” dugang pa ni Remulla.
Ginpaathag sang tiglikom nga nagapadayon na ang legal nga proseso batok kay Duterte sa The Hague, Netherlands sa diin gintalana ang hearing sini sa Setyembre 23.
“May hearing na doon. Sa tingin ko, may judicial notice na. Nagsimula na ang proseso sa The Hague, at may nakatakdang pagdinig sa Setyembre 23. Kaya doon tayo aasa,” dugang pa sang tiglikom.
Sang gin-usisa naman kaangot sa pagsunod sang gobyerno sa mando sang Korte Suprema nga maghatag sang kumento sa mga consolidated habeas corpus petitions nga gin-file sang mga anak ni Duterte, ginkumpirma ni Remulla nga napasa na nila ang ila sabat.
“Binigyan kami ng pahintulot ng Executive Secretary na kami ang sumagot. Tapos na. Naibigay na namin ang komento namin kahapon.”
Nangin malip-ot naman ang sabat ni Remulla sa mga detalye sang ginpasa nila nga sabat sa Korte Suprema.
“Res ipsa loquitur—the thing speaks for itself. Kung ano ang isinumite namin, iyon na iyon.”
Ginmanduan man sang Korte Suprema ang mag-utod nga mga Duterte nga sanday Paolo, Sebastian kag Veronica nga maghatag sang kumento sa sulod sang 5 ka adlaw sa sabat sang DOJ sa ila petitions for habeas corpus para sa ila amay.
Samtang padayon nga ginabantayan sang tanan ang kaso ni Duterte sa ICC, nagpanawagan si Remulla sang paghugpong kag ginhatagan sang pagtamod ang importansya sang hustisya.
“Dapat tayong manatiling nagkakaisa bilang isang bansa sa diwa ng hustisya. Ang nais lang natin ay maipatupad ang hustisya, para man sa mga biktima o sa mga akusado. Hayaan nating manaig ang hustisya.”
