Mahimo nga magpangatubang sang kaso nga libel ang mga indibidwal nga nagapalapta ilabi na ang mga nagahimo sang ‘fake news’.
Ini kasunod man sang pagduging sang peke nga mga impormasyon sa social media.
Sa interview sang Bombo Radyo kay Police Lieutenant Colonel Richard Habawel, Assistant Chief sang Regional Anti-Cybercrime Unit 6 (RACU-6), iya ginpahayag nga mas nagdata pa gid ang fake news subong kasunod sang pagkaaresto kay former President Rodrigo Duterte.
Suno kay Habawel, lakip sa mga peke nga impormasyon nga nagalapta amo ang mga spliced videos ukon ginpang-utod nga video kag ginpaslakan sang lain nga audio agud makahimo sang bag-o nga content.
May yara man sang artificial intelligence ukon AI generated videos nga ginagamit agud nga mapapati ang mga social media users.
Gin-athag man sini nga mahimo magapangatubang sang kaso nga paglapas sa Republic Act No. 10175 ukon Cybercrime Prevention Act of 2012 ang sin-o man mapamatud-an nga nagapalapta sang fake news.
