Nagapati si Vice President Sara Duterte nga napaslawan si President Ferdinand Marcos Jr. nga pamunuan ang pungsod gani dapat na ini nga ma-resign.
Ini nga pahayag sang Vice President ang kadungan sang pagtambong niya sa pagtililipon sa The Hague sang mga supporters ni former President Rodrigo Duterte pila ka adlawa antes ang birthday sini sa Marso 28.
Sa amo nga kahiwatan, nagsinggit ang mga supporters ni Duterte sang “Marcos resign!” kun sa diin ginsiling ni Sara nga ang mga tawo ang naghambal sini kag indi siya.
Suno kay Sara, kinahanglan ni Marcos nga magresign bangud wala sini ginpakita sa mga tawo nga husto ang paminsaron sini kag kun masarangan sini nga magpamuno.
Sa bahin sang Malacañang sang ginkuhaan ini sang reaksyon, ginpamangkot ni Palace Press Officer Undersecretary Atty. Claire Castro nga kun ginapa-resign sang mga tawo ang presidente, sin-o ang manginpulos diri.
