Ginbawian gid sang kabuhi ang driver sang motorsiklo nga nakabunggo sa isa ka kotse sa intersection sang Iloilo Sunset Boulevard sa Brgy. Sooc, Arevalo, Iloilo City.
Ang biktima nga lalaki ang nagaedad sang 57-anyos.
Sa interview sang Bombo Radyo kay Police Senior Master Sergeant Lougen Alarcon, imbestigador sang Iloilo City Traffic Enforcement Unit, iya ginpahayag nga halin sa direksyon sang Oton ang kotse samtang halin naman sa direksyon sang Gloryville Subdivision ang motorsiklo.
Suno kay Alarcon, nagtabog gid ang driver kag ang motorsiklo bangud sa impact sang bunggguanay.
Ginhingagaw dala sa ospital ang biktima apang gindeklarar nga dead on arrival.
Naka-hospital arrest naman ang driver sang salakyan.
