Natalana nga magbisita kay former president Rodrigo Duterte ang iya anak nga si Veronica “Kitty” Duterte kag common-law partner nga si Honeylet Avanceña sa detention center sa The Hague sa Marso 28.
Suno kay Vice President Sara Duterte, limitado lang ang oras nga ihatag sa ila pagbisita.
Magabalik naman si Kitty sa Pilipinas agud magtambong sa iya klase samtang si Avanceña naman ang may ginadumala nga Negosyo.
Gindugang sang Vice President nga ang iya iloy nga si Elizabeth Zimmerman ang magapadulong man sa The Hague sa Marso 28 ukon 29.
Sa pihak nga bahin, ginhambalan naman ni VP Sara ang iya amay nga magsulat sang libro bilang pampaligad sang iya oras kag agud ibaligya ini sa tion nga mahilway na siya apang namalibad ang anay president bangud sa iya edad.
Nahibaluan nga sa baylo nga maghiwat sang programa para sa kaadlawan sang amay nga Duterte, ginsuhestiyon sang Vice President nga magpatigayon sang picnic upod sa ila supporters agud indi na kinahanglan sang permits.
