Ginarespeto sang House lead prosecutor ang panindugan ni Senate President Francis Escudero nga indi mahimo pagdayunon ang impeachment trial ni Vice President Sara Duterte samtang wala pa nakabalik sa sesyon ang Kongreso.
Apang ginsiling sang prosecution nga bukas ini sa posibilidad sa pagdangop sa korte suprema para magpangita sang legal nga mga remedyo.
Suno kay lead prosecutor Rep. Marcelino Libanan,para sa interes sang transparency kag due process, hulaton nila ang formal written communication sa House panel agud mabinag-binag ang legal remedies kalakip na ang pag- file sang motion for reconsideration ukon idangop sa Supreme Court para sa constitutional clarification.
Dugang niya, ini isa ka maragtason nga pagtakos sa mga institusyon kag sa commitment sa kasuguan.
Una na ginbasura ni Escudero ang mosyon sang kamara para sa Senado nga imando sa Vice President nga sabton ang impeachment charges, kag ginsiling nga ang ginaduso ang imposible nga matabo samtang naka-break ang kamara.
Matandaan nga gin-impeach sang House of Representatives ang Vice President sang Pebrero 5 bangud sa akusasyon naangot sa betrayal of public trust, culpable violation of the constitution, graft and corruption kag iban nga high crimes.
Nag-file man si Sara Duterte sang petition for certiorari and prohibition with urgent application of temporary restraining order and/or writ of preliminary injunction sa Supreme Court, kag nagsiling nga ang iya impeachment ang wala nagsunod sa due process kag makabig nga illegal.
