Ginalauman nga magabaskog pa ang kapasidad sang Armed Forces of the Philippines (AFP) nga magsabat sa mga pagpanghangkat sa kadagatan sang pungsod kasunod sang ginpatigayon nga Multilateral Maritime Cooperative Activity (MMCA) sa West Philippine Sea kun sa diin nakaupod sini ang armadong kusog sang Japan kag Estados Unidos sang Amerika.
Ginpadala sang Pilipinas ang BRP Jose Rizal (FF-150), AW 109 helicopter, C90 aircraft, kag PAF Search and Rescue (SAR) assets. Sa bahin sang Japan, gin-deploy sini ang multi-mission frigate JS Noshiro (FFM-3) nga may maritime helicopter SH-60K.
Nag-arangka man ang guided missile destroyer DDG Shoup (DDG-86), multi-mission naval helicopter MH60-R, kag maritime patrol aircraft P-8A Poseidon sang Estados Unidos sa amo nga joint activity.
Lakip sa mga nangin aktibidad amo ang Communications Check Exercise, Rotary Flight Operations, Maritime Domain Awareness (MDA) / Contact Reporting, Division Tactics (DIVTACS), Personnel Exchange kag Photo Exercises (PHOTOEX).
“The MMCA continuously highlights the vital improvements in our coordination, tactics, and shared maritime awareness. Every iteration strengthens our capacity to respond to maritime security challenges while reinforcing our collective ability to safeguard our national interests,” suno kay AFP Chief of Staff General Romeo S Brawner Jr sa press release sang AFP.#
