Nagdeklarar ang Myanmar sang isa ka semana nga national mourning kasunod sang 7.7 magnitude nga linog nga nagbilin sang masobra na duha ka libo nga mga patay.
Naka-half mast ang hayahay sang pungsod tubtub sa Abril 6 bilang simpatiya sa mga pamilya sang nagkalamatay amo man sang nadulaan sang mga propiedad.
Ginhimo sang junta ang announcement samtang labi nga nagaluya ang paglaum sa rescue efforts sa Mandalay nga amo ang pinakaapektado nga syudad nga may masobra 1.7-million nga mga residente.
Sa ikatatlo nga gab-i, sa dalan lang gihapon nagatinir ang mga tawo sa amo nga syudad bangud wala na sang balikan nga balay kag ang iban naman nakulbaan sa aftershocks.
Ang iban sa ila ang may dala man nga tents apang ang iban ang nagabarikutot lang gid kag may habol samtang yara sa tunga sang dalan kag malayo sa mga building nga may nagakahulog pa gihapon nga mga debris.
Puno man ang 1000-bed general hospital sang Mandalay, gani nga sa guwa na lang ginapangbulong ang iban sa mga biktima.
Base sa military, 2,056 na ang napatay, masobra sa 3,900 ang nasamaran, kag 270 pa ang missing. Sa Thailand naman, 19 man ang kumpirmado nga patay nga naangot sa linog sa Myanmar.
Samtang, ginkumpirma naman sang Department of Foreign Affairs (DFA) nga nagkadto na ang assessment team sang embahada sang Pilipinas sa Mandalay agud magbulig sa pagpangita sa apat ka mga Pinoy nga gin-report nga missing.
Yari ang statement sang embahada:
“The Philippine Embassy in Myanmar’s Composite Assistance to Nationals Team arrived Monday evening in Mandalay.
They immediately met with the Filipino Community Coordinators in Mandalay to ascertain the situation and well-being of the Filipinos. The team then proceeded to the site of the last known whereabouts of the four unaccounted for Filipinos and met with the site supervisors overseeing the search and rescue operations.
As of this point, there have not been any confirmed Filipinos who were rescued or retrieved from the site. Operations are still on-going.
Filipinos in Mandalay may reach out to the ATN hotline at +959985210991 or the Filipino coordinators.”
Una na nga ginhingadlan nga mga missing nga Pinoy nga lunsay manunudlo amo sanday Barren Barcelo, Francis Aragon, kag ang mag-asawa nga sanday Edsil Jess kag Alexis Gale Adalid. Sila ang lunsay naga-istar sa 12-story condominium sa Mandalay nga isa sa nag-collapse sang Byernes bangud sa tuman ka baskog nga pagtay-og.
