Ginpasa na sang International Criminal Court’s Registry sa Pre-Trial Chamber ang pangalan sang bag-o nga associate counsel ni anay Presidente Rodrigo Duterte.
Si Dov Jacobs ang mangin bag-o nga associate counsel sang anay presidente nga naka-detain subong sa detention facility sang ICC sa The Hague, Netherlands.
Suno sa ICC registry, ang lead counsel ni Duterte nga si Nicholas Kaufman ang naghingyo nga himuon nga “associate counsel” si Jacobs.
Si Duterte ang may ginaatubang nga kaso nga crimes against humanity bangud sa maduguon nga pagpatuman sang war on drugs.
Una na nga nangako si Kaufman sang mapag-on nga depensa para sa kaso sang anay president.
Ginkumpirma man sang abogado nga ginsilingan sila ni VP Sara nga padasigon na ang proceeding sa kaso sang iya nga amay bangud nabalaka ini sa ikaayong lawas sang anay punong ehekutibo.
