Ginhatagan pagtamod ni House Speaker Ferdinand Martin Romualdez nga ang simbolo sang Holy Week ukon Semana Santa ang isa ka pahanumdom sa tanan nga Katoliko, partikular sa mga empleyado sang gobyerno, nga magserbisyo nga may tampad, integridad kag kaluoy, kag magtutok sa mga nagakinahanglan sang bulig.
Gin-engganyo man ni Speaker Romualdez ang mga Pilipino nga magpamalandong sa kabuhi ni Hesukristo.
Ginhatagan pagtamod ni Speaker Romualdez nga ang pagpanglakaton ni Jesukristo nagapahanumdom sa aton nga ang matuod nga kusog makita sa pagsakripisyo, ang pag-ayo natawo sa pagpatawad, kag ang pagtuo nagahatag sang paglaum bisan sa aton pinakamadulom nga mga tinion.
Suno sa Speaker, ang espiritu sang mga Pilipino masami nagasaka sa ibabaw sang kabudlayan nga may mahipos nga kaisog, madalom nga pagtuo, kag kaluoy sa isigkatawo.
Ginpabutyag ni Speaker Romualdez ang handum nga ang sagrado nga tion magadala sang paghidait, kusog sa mga wala sang kapat-uran, kag kasulhayan sa mga nagakinahanglan.
Sa sini nga Semana Santa, ang Speaker nagapangamuyo para sa isa ka makahulugan, malinong, kag puno sang grasya nga Semana Santa.
Ginpangabay man sini nga ang gugma ni Kristo magpuyo sa tagsa ka puluy-an sang mga Pilipino, kag padayon nga pakamaayuhon kag tuytuyan sang Dios ang pinalangga nga pungsod, ang Pilipinas.
