Nagsabat si former presidential spokesperson Harry Roque nga wala sang pulos ang inciting to sedition charges nga ginpasaka sang National Bureau of Investigation (NBI) batok sa iya kag sa vlogger nga si Claire Contreras ukon mas kilala nga si Maharlika.
Suno kay Roque, wala sila nahadlok nga padayunon ang pagkwestyon sa gobyerno ni President Ferdinand Marcos ‘Bongbong’, Jr.
Importante suno sa iya nga sabton kun epekto sang illegal drugs ang indi makontrol nga kurapsyon kag ang pagduging sang smuggled goods.
Matandaan nga ginkumpirma ni NBI Director Jaime Santiago nga ang NBI-Cybercrime Division ang nagpasaka sang kaso batok kay Roque kag kay Maharlika bangud sa pagpalapta online sang video nga halos kapareho ang itsura kay President Ferdinand Marcos Jr. kag nagasimhot sang “white powdery substance.”
Suno sa NBI, gindungan ang pagpaguwa sang video sa 2024 State of the Nation Address (SONA) gani nga makaduluda ang timing kag ang intensyon.
Magluwas sa sedition charges, ginkasuhan man si Maharlika sang Unlawful Use of Means of Publication and Unlawful Utterances sa idalom sang Article 154 sang Revised Penal Code nga kaangot sa Section 6 of R.A. 10175 (Cybercrime Prevention Act of 2012); one count sang Cyber Libel sa idalom sang Section 4(c)(4) sang R.A. 10175, nga kaangot sa Articles 353 kag 355 sang Revised Penal Code; kag one count sang Computer-Related Forgery sa idalom sang Section 4(b)(1) sang R.A. 10175 (Cybercrime Prevention Act of 2012).
