Nagpabilin nga malinong kag matawhay ang assessment sang Iloilo Police Provincial Office (IPPO) sa Holy Week ukon Semana Santa subong nga tuig.
Sa interview sang Bombo Radyo kay Police Major Rolando Araño, Spokesperson sang Iloilo Police Provincial Office, iya ginpahayag nga wala sang pagpamahog nga na-record ang talatapan sa pag-obserbar sang Lenten Season sa probinsya.
Suno kay Araño, nalab-ot ang katawhay bangud man sa mga police assistant desk nga ginpahamtang sa pila ka lugar sa probinsya ilabi na sa masami ginadugok sang mga tawo.
Ginpahayag man sini nga tayuyon sila nga magabantay ilabi na nga madamo subong ang mga nagapadulong sa resorts kag naga-hiking.
Nagpasalig man si Araño sang mas masangkad nga police visibility sa Iloilo subong nga madamo ang nagaguwa para sa outing kadungan sang summer season.
